Farm Mechanization Subsidy: తెలంగాణలో వ్యవసాయ యాంత్రీకరణ పథకానికి రూ.147.99 కోట్ల నిధులు!

తెలంగాణ రాష్ట్రంలో రైతులకు సాగు పనులను సులభతరం చేసి, పెట్టుబడి ఖర్చులను తగ్గించి వ్యవసాయాన్ని సులభతరం చేయడానికి వ్యవసాయ యాంత్రీకరణ పథకం (Farm Mechanization Scheme) పథకంపై దృష్టి సారించింది. ఈ పథకం అమలుకు 2026-27 ఆర్థిక సంవత్సరానికి గానూ రూ.147.99 కోట్ల భారీ నిధులను కేటాయించినట్లు రాష్ట్ర వ్యవసాయ శాఖ మంత్రి మంత్రి తుమ్మల నాగేశ్వరరావు గారు అధికారికంగా ప్రకటించారు.

రాష్ట్ర, కేంద్ర ప్రభుత్వాల వాటాలతో పథకాన్ని అమలు చేసేందుకు అవసరమైన ఏర్పాట్లు ఇప్పటికే చేపట్టినట్లు తెలిపారు. అయితే, లబ్ధిదారుల ఎంపికకు సంబంధించి కేంద్ర ప్రభుత్వం మార్గదర్శకాలు జారీ చేయాల్సి ఉందని, వాటి కోసం రాష్ట్ర ప్రభుత్వం ఎదురుచూస్తోందని పేర్కొన్నారు. కేంద్ర మార్గదర్శకాలు అందిన వెంటనే లబ్ధిదారుల ఎంపిక ప్రక్రియను ప్రారంభించి, అర్హులైన రైతులకు పథకం ప్రయోజనాలు అందేలా చర్యలు తీసుకోవాలని అధికారులను ఆదేశించారు.

సాగు ఖర్చులు పెరగడం, వ్యవసాయ పనులకు కూలీలు దొరకకపోవడం వంటి సమస్యలను రైతులు ఎదుర్కొంటున్నారు. ఇలాంటి పరిస్థితుల్లో యంత్రాల వినియోగాన్ని ప్రోత్సహించడం ద్వారా సాగు పనులను సకాలంలో పూర్తి చేయడం, రైతుల శ్రమను తగ్గించడం ఈ పథకం ముఖ్య ఉద్దేశం. సాగులో ఆధునిక వ్యవసాయ పరికరాలు ఉపయోగిస్తే పనులు మరింత సౌకర్యంగా ఉంటాయి.

ఇది కూడా చదవండి – Jio AI Smart Glasses: కంటిచూపుతో యూపీఐ చెల్లింపులు.. ఫీచర్లు, లిమిట్స్ ఇవే!

ఈ పథకానికి సంబంధించిన తాజా వివరాలు.

సాగు ఖర్చులు పెరగడం, వ్యవసాయ పనులకు కూలీలు దొరకకపోవడం వంటి సమస్యలను రైతులు ఎదుర్కొంటున్నారు. ఇలాంటి పరిస్థితుల్లో యంత్రాల వినియోగాన్ని ప్రోత్సహించడం ద్వారా సాగు పనులను సకాలంలో పూర్తి చేయడం, రైతుల శ్రమను తగ్గించడం ఈ పథకం ముఖ్య ఉద్దేశం. సాగులో ఆధునిక వ్యవసాయ పరికరాలు ఉపయోగిస్తే పనులు మరింత సౌకర్యంగా ఉంటాయి.

సబ్సిడీ వివరాలు (Subsidy Rates)

గమనిక: పై సబ్సిడీ రేట్లు, ట్రాక్టర్లకు పేర్కొన్న ఆర్థిక సహాయం అధికారికంగా నిర్ధారించుకోవాలి. తుది సబ్సిడీ మొత్తం యంత్రం రకం, రైతు అర్హతలు, ప్రభుత్వ మార్గదర్శకాలపై ఆధారపడి ఉంటుంది.

ఇది కూడా చదవండి – Telangana GO 59 Land Regularisation: జీవో 59 దరఖాస్తులపై కీలక ఆదేశాలు.. నెల రోజుల్లో పరిష్కారం!

ఈ సారి పథకంలో ప్రత్యేకతలు ఏమిటి?

1. నచ్చిన కంపెనీని ఎంచుకునే వెసులుబాటు: ప్రభుత్వం నిశ్చయించిన ఎంప్యానెల్ కంపెనీల నుండి, రైతులు తమకు నచ్చిన బ్రాండ్‌ను, నాణ్యమైన పరికరాలను ధరలు సరిచూసుకుని కొనుగోలు చేయవచ్చు.
2. కస్టమ్ హైరింగ్ సెంటర్లు (Custom Hiring Centers): సొంతంగా యంత్రాలను కొనుగోలు చేయలేని చిన్న, సన్నకారు రైతుల కోసం రైతు ఉత్పత్తిదారుల సంఘాల (FPOs) ఆధ్వర్యంలో తక్కువ అద్దెకే యంత్రాలు ఇచ్చే కేంద్రాల ఏర్పాటును ప్రభుత్వం పరిశీలిస్తోంది.

తెలంగాణ రాష్ట్రంలో వ్యవసాయ యాంత్రీకరణ పథకం కింద సబ్సిడీ పొందాలనుకునే రైతులు తెలంగాణ వ్యవసాయ యాంత్రీకరణ అధికారిక పోర్టల్ farmmech.telangana.gov.in లేదా కేంద్ర ప్రభుత్వ DBT Agrimachinery Portal ద్వారా నమోదు చేసుకోవచ్చు. లేదా గ్రామ వ్యవసాయ విస్తరణ అధికారి (AEO) లేదా మండల వ్యవసాయ అధికారి (AO)ను సంప్రదించి దరఖాస్తు విధానం గురించి తెలుసుకొని, అవసరమైన డాక్యుమెంట్స్ ను జత చేసి దరఖాస్తు చేసుకోవచ్చు. దరఖాస్తులో వ్యక్తిగత వివరాలు, భూమి వివరాలు, తమకు అవసరమైన వ్యవసాయ యంత్రం వివరాలను నమోదు చేయాల్సి ఉంటుంది. ప్రభుత్వం ఆమోదించిన కంపెనీలు, పరికరాల జాబితా ఆధారంగా యంత్రాన్ని ఎంపిక చేసుకోవాలి.